پاکستان نے شام سے سفارتی عملہ واپس بلا لیا

پاکستان نے شام میں سکیورٹی کی بگڑتی ہوئی صورت حال کے پیش نظر اپنے سفارتی عملے کو واپس بلا لیا ہے.

 

 پاکستان کے دفتر خارجہ کے ترجمان معظم احمد خان نے جمعرات کو اسلام آباد میں اپنی ہفتہ وار نیوز بریفنگ میں بتایا کہ ''ہم نے دمشق میں متعین پاکستانی سفیر سمیت اپنے عملے کو عارضی طور پر واپس بلا لیا ہے اور تمام عملہ باحفاظت واپس وطن پہنچ چکا ہے''۔

ترجمان نے کہا کہ دمشق میں سفارت خانے کو بند نہیں کیا گیا۔ تاہم شام میں حالات معمول پر آنے کے بعد سفارتی عملے کو واپس بھیج دیا جائے گا۔