عراق
کے وزیراعظم نوری المالکی نے سنی اکثریتی صوبوں میں حالیہ مظاہروں کے بعد
دہشت گردی کے الزام میں جیلوں میں بند خواتین کی رہائی کا حکم دے دیا ہے۔
عراقی روزنامے کی رپورٹ کی مطابق ''وزیراعظم نوری المالکی نے ایک بیان میں کہا کہ وہ فوجداری الزامات میں گرفتار خواتین کو خصوصی معافی دینے کے لیے تیار ہیں۔
عراق کے مغربی صوبہ الانبار اور دوسرے سنی اکثریتی صوبوں میں ہزاروں
افراد انسداد دہشت گردی کے قانون کے خلاف سراپا احتجاج بنے ہوئے ہیں۔
وہ شعیہ مسلک سے تعلق رکھنے والے وزیراعظم نوری المالکی سے خواتین سمیت سیاسی قیدیوں کی رہائی کا مطالبہ
کررہے ہیں۔
یاد رہے کہ عراقی حکام نے ملک میں نافذ انسداد دہشت گردی کے قانون کے تحت دہشت گردی کے
واقعات میں مبینہ طور پر ملوث افراد کی رشتہ دار خواتین کو گرفتار
کررکھا ہے اور ان خواتین کو کسی عدالتی وارنٹ کے بغیر گرفتار کیا گیا ہے۔
